International Poultry Expo

Is broiler chicken healthy to eat or not ? this is a question that almost cross eveyone's mind . Most of us think that broiler chicken is raised on hormonel diet which results more meat and less nutrients and this low nutrient food creates hormonal imbalance in human body. for falsifying this myth Pakistan Poultry Association arranged a three day international conference in collaboration with UVAS at Expo center Lahore 

 This three day Expo became a source of  selling and purchasing for producers , poultry farmers and other stake holders like hatchery owners , vaccine suppliers ,feed millers , consultants and breeder companies . Entrepreneurs and visitors witnessed large variety of substantive items exibited in IPEX 2018.

Punjab Minister for Livestock and Dairy Developement Sardar Husnain Bahadar Dareshak inaugrated the first day of International Poultry Expo' 2018 0n thursday, while addressing to the audience he stated that

''the energy crises has hampered poultry industry in past, 

our government is taking every poossible measure to

 resolve problems being faced by the poultry sector

 in close cordination with all provincial governments 

and federal government of Pakistan ''. 

The organizers focused on the huge participation of Poultry experts, new Investors, Reaserchors , Vetenirarians, Students and Consumers to provide them a  capable platform for seeking professional guidance and International exposure too. A large number of foriegners like Chinese also attended the event which presents a soft image of Pakistan to the outer World.

  
Organizing such kind of events act as an informative platform for those who dont know the way broiler chiken is raised and the nutrient value it actually contains, this international event became a source of information for general public and also a positive impact of Palistan's relations with other countries .

Dhakka

Aoa readers, aj me brey arsey k bad bus me safar kr rhi thi,  shadman se shimla pahari k mukhtasir se safar k doraan is qadar jhatkey lagey k be-sakhta mere chechre pr muskurahat a gai aur dil kia k is moqae pr aik do shair keh du, magar ajnabi chehro pr herani k tasuraat dekhne se behtr tha k me zabt hi kr lu magar ab soch rahi hu k us manzar ko ap k gosh-guzarun

Dopatta sambhalun ya handle ko pakrun
K waqfon se dhakkey pe dhakka mil raha he
Ho warzish ka shoq to LTC ka safar kijye
Har ik muhra,  hr ik jor hil raha he
Safar k lye he ye bardiya sawari
Dhakkon ka ajab  tajarba mil raha he
Driver k andaz-e-break me akhooat he itni
Hr ik shakhs dujey se galley mil raha he

Muje yaqeen he k kbi na kbi ap ko b ye tajarba hua ho ga :-) aur agar kabi nahi b hua to public transport me km az km aik bar safar zrur kijye q k ye anokha tajarba  kuch ziada bura nahi

Stay blessed and love humanity♥

Zarurat

Un logo k naam jo sb k dard banttey hein magar un k dil ka hal sunne wala koi nahi.

Dost ehbaab unhe haal sunate hein yun apna
Jese likhne ko kisi ko kaghaz ki zarurt ho
Koi itefaqan haal puchey to yun holey se hnste hein
Jese insaan k bhaes me pathar ki murat ho
Ab to ik umer beeti he unhe jb hnste dekha tha
Jese ab amber pr thehri baad-o-baraan ki surat ho
Koi to haal unka b suney, koi to ghum bantey
Kisi ki mukhlasi ki shayd un ko bhi zarurt ho
Magar is sab k baad b dil un ka narm he ab tk
Shayd waqt ik aye k jb is me kadoorat ho

Stay blessed and care for those who care for you♥

Baqqaa

Shaam k pehar is aangan me
Do bachey hein soye hue
Kapre un k gandey hein
Aur chehrey jese roye hue
Mitti k is aangan me
He neem ka aik darakht khara
Jis ki chaaon k neechey
Mitti ka purana sa ik gharra
Is ghar me aesa manzar he
Ghum ziada he, khana kam he
Kisi aur ko in ka dard nahi
Aur mustaqbil ki khabbar nahi
Dheeli si charpai pr bethi
Ik baewa falak ko takti hui
Dil us ka musalsal koshaan he
K aag chulhey ki jal jae
Aur paet bachon ka pal jae

Spread love and help those who deserve it♥.

Ehsaas

Bichrey huon ki nayaab yaden
Yun albamon me sajja rahi hun
Jese in se achanak ik din
Koi paekar dharrak uthey ga

Jo teh-ba-teh jumm  rahi he dilon pr
Ussi garrd ko bus mitta rahi hun
Badd-gumani ko choro, ehsas jagao
Mohabbat ka sholaa bhi bharak uthe ga

Jo khud saha ho, kisi ko na wo ghum do
Agar samjho ye, to dill tarrap uthey ga
Jo chalti rahi gar yunhi be-hissi
To ye asmaan bhi karrak uthey ga

Stay blessed and love humanity♥

Kia ho raha he

Ye kia marka he jo sir ho raha he
Khlaa se khlaa tak safar ho raha he

Jo pakta tha gosht aur roti gharon me
Wo ab burger-o-sandwich ho raha he

Jo safiya thi ab sofia ho rahi he
Hr ik baal sir ka trim ho raha he

Nahi kuch khabar sath betha he kon
Facebook se dunya ka safar ho raha he

Beyaan se he bahir, he jo ho raha, pr
Ajjab ho raha he ghazab ho raha he

Hamari bala se jo marzi ho, Rida
K dill apna ab be-zarrar ho raha he

Stay blessed and love humanity♥:-)

Khumaar-e-ishq

mohabbat ne mujhe ye din hein dikhae
sawal-e-yar krne me mujhe kuch aar nahi
mujh ko saudaa he ,zauq-e-deed ki shedaai hun
tujhe muj se magar aesa abi pyar nahi
tere alfaz to hein iqraar-e-mohabbat krte
tere aafaal me jhalakta kuch tazaad nahi?
mene ye soch k is raah pe qadam rakha tha
k raah-e-ishq he , ye raah-e-khaar nahi
jigar ko khoon , dil ko daagh kr de
kisi aur shay me ye khumaar nahi
me sabhi sittam tere andaz-e-mohabat janoo
tu samajhta he mujhe khud pr ekhtyar nahi

kaanch k tukrey

teri yad he kaanch k tukrey , aur 

dil mera ye nange paon 

roz inhi pe chalta he 

bin soche, bin yad kiye 

wo karb jo roz ye sehta he 

is dard me pr ik lazzat he 

dil ho jae jb kirchi kirchi 

us me b chupa ik maza he 

pr tum kia jano is lazzat ko

dil k naam pr seeney mein 

pathar jo chuppa k rakha he 

hain qissay boht se kehne ko 

aur raaz b hein chupaye hue 

pr kyunkar kissi ko btlayen

jb dil ne bojh utha hi rakha he 

these are just some emotions dressed in the folds of words,otherwise there is no'' dil toots'' kind of thing😛😜

stay blessed and love humanity😊💖

peer babay

ghaeb ka ilm he inhe yun hasil

nahi dikhta jo, wo b jante hein  

jin k osaan ho chuke hein khatta

unhe pohancha hua gardantey hein 

paet bhar k khilao in ko khana 

sath me desi murghay bhi le ana 

bhooke paet kyunkr ho dua koi poori 

bus yehi  falsafa  ye jante  hein  

din ko daawey he tahhajud-guzaar hone k 

raat ko neend   lambi  taantey hein 

 jhaaru se kr k pittaai sabhi churailon ki 

khof-o-taqdees ka ajab samaan ye bhandhte hein 

dil me chupa k bethey he ye lalach

aur bholey he wo jo inhe allah wala jante hein 

jin k osaan ho chuke he khatta 

unhe pohancha hua gardantey hein 

stay blessed and beware of naqli peer babey😉

lamha-e-fikria

tehzeeb kisi b saqafat ki safeer k tor pr kaam krti he aur agr usi tehzeeb ki deewaron me daraar parh jae to saqafat k mehal ko girne me ziada der nahi lagti. waqt ki ye  tez dhar wali masheenen roz-baroz  insani jazbat ki ragen kat rahi he , aur aik ko dusre se agey barhne ki khudgarzi is qadar lahaq he k tehzeeb-o-tamadun peechey choot raha he .

is dor ka he dastoor yehi halaat badalte jate hein 

jun waqt guzarta jata he jazbat badalte jate hein 

manzil ko hasil krne ki is dorh me sabhi shamil hein

lamhon ki faraghat kis ko he,din raat me dhalte jate he 

hein falak-nasheen ye burj aur ab khud kar masheenen chalti hein

in me aur noo-e-insaan me kuch faraq btana mushkil he  

kuch ghair thi rawish-e-insani so kehlaye they hum adam 

ab fael hein aese apnae hewaan me badalte jate hein 

tann dhanpna jis ka maqsad tha jo sir ki zeenat hota tha  

jiddat k naam pr ab wohi libaas badalte jate hein 

kehne ko to noo-e-insaan ne kis qadar taraqi kr li he 

tehzeeb k sabhi baab magar qadmon me kuchal diye jate hein 

magar abi b kuch nahi bigra agr hum aj b insaniat k buniadi asoolon ko apna len jin ka sabaq har mazhab deta he ,to hum apne dum torte hue zameer ko phr se zinda kr skte he aur isi me tehzeeb ki baqaa he .

stay blessed and love humanity💖😊 

short story

me kon hun
kachi abaadi ka aik mohalle ki aik tang gali jis k shuruati hissey me aam logo k makaan he jahan sa-pehar k waqt bachon k khelne ki awaze ati he magar isi gali k koney me aik sab se alag ghr b he , kraye k is ghr me rehne walon ka taluq teesri jins se he ,jisey is mashrey me na mard ka darja hasil he aur na hi aurat ka . ghr ki  deewaren purani aur khasta-haal he , daahli darwazey ki jga aik zardi-mayel  bhaari sa parda latak raha he , agey laal rang ki eenton se bne farsh wala sehan he jis me aik charpai pr guru ji leta hua he, guru ji k balon  me  burhape k bayes chandi utar ayi he aur lambai shanon tk he  jb k sunehri balon ki bhaari wig pas hi pari he  chehrey pr shoh aur bharkeela makeup he aur gehri laal lipstick us k chehre ko mazeed badsurat dikha  rahi he , pinky charpai ki payinti pr betha guru ji k paon duba rha he ,chand gazz k kitchen me shina churi pakre khra he aur be-dhangey tariqay se sabzi kaat raha he us k chehre pr thakawat aur uljan he yun jese usey khana bnane me koi dilchaspi na ho,is k bawjood roz usi ko khana bnana parta he q k handi me chamcha hilana usey qadrey behter ata he ,sehan ki dusri taraf do kamre he jin me se aik abi bnad he aur aik me meena, khushbu aur bano ko raqs ki duhrai krwa raha he , sehan k aik dusre kone me neem ka aik puarana darakht he jis k uper parinde bethe apas me sargoshian kr rahe he ,isi neem k neeche silk k harey rang ki shalwar qamees me doli betha he jo sir jhukaye geeli matti me ungli se aarhi tirchi lakeeren kheench rha he , najane us k dil me kia he jis ka naqsha wo geeli matti pr bnane me nakaam he , guru ji ki awaz maahol k sanattey ko torti he "sb ko pta he na kl hum ne afzal k munday k wyah me jana he!" kitchen se shina ki awaz ati he" haan baji" , doli abi b sir jhukae betha he ,mitti me lakeeren kheenchti ungli rukti he "baji hum ye nach gaana chor q ni detey,mje bari sharam ati he jb log hm pr hnste aur pesey phenkte he " guru ji uth kr beth chuka he aur barhami se doli ki taraf dekhta he "naach gana na kren gey to kia bhooke maren gey,apni qismat me yehi likha he mola ne ,isi lye bnaya gya he hme",doli aik nazar guru ji ko dekh kr wapis sir jhuka leta he ,geeli matti pr lakeeren ban rahi he ,neem k uper bethe parinde sargoshian kr rahe he .
    agley roz sham k waqt sb tayar ho rahe he, shina bar bar apne bhadhe se munh pr face powder ki teh bitha raha he,meena bano k bal bnane me masroof he jb k doli naranji rang ka sitaron wala suit pehne khamosh khra he ,guru ji laal surkhi lagate hue sb ko hidayaat de raha he " udhr ja k sarey  achey se naachna ,afzal k khandan walon ka dil bra khulaa he ,unhe jitna khush kro gey utna pesa miley ga "sb guru ji ki haan me haan milate he jb k doli ka dhyaan kahi aur he. sb shadi se wapis a chuke he ,koi apne sir se wig ka boj halka kr raha he to koi makeup se atta munh dho raha he,guru ji aur pinky zameeen pr bethe pese gin rahe he un k samne noton ka dhair laga pra he guru ki ankhon me pese ki chamak he aur chehrey pr bari si muskurahat" dil khush ho gya is shadi pr to ,bre hi khulley dil k lok they" doli charpai pr betha peson ko dekh raha he jb k us k kano me logo k qehqahe goonj rahe he ,us ka zehan ye fesla kr chuka he k ab usey mazeed yahan nahi rehna.
doli is ghr me sb se kam umer khwaja-saraa he , logo  k samne nachne se us ko be-izzati mehsoos hoti he ,baqi sb ki tarah shadion me kamaya gya pesa usey sakoon nhai deta he ,kisi k ghr peda hone wale bache ko barha charha kr duaen de kr pese lene se ab wo tang a chuka he ,jb wo gali me nikalta he to larkon ki chaer-khani aur bachon k qehqahe usey us k haqeer hone ka ehsas dilate he . signals pr khre ho kr bheek mangne walon me aur khud me usey kuch ziada faraq mehsoos nahi hota ,logon ki ankhon me us k lye haqarat aur hansi us se bardasht nahi hoti, usey nahi maloom k wo kis ki aulad he aur us k maa baap ko us se itni nafrat q thi jo wo usey yahan phenk gae. wo is zindagi se nikalna chahta he jis ka maqsad logo k lye tamasha banna ho aur wo fesla kr chuka he .
raat ka pichla pehar ,sb soo rahe he ,kamre me guru ji ki charpai k sath neeche gadda bicha he jis pr pinky so raha he jb k doli apne takiye k neechey se 200 rupey muthi me dubaye, dabbey qadmon kamrey se bahar nikalta he ,sehan me shina aur bano ki chapayian he ,doli in k pas se guzarta hua apni chappal pehanta he aur ghr se bahir nikal ata he . gali se bhagta hua wo abaadi se bahir ja chuka he ,ghr se bhagne k bad ye pehli dfa he jb us ne sans lia he wo mur kr abadi ki taraf dekh raha he usey lag raha he k ab us ki zindagi is jahanum se azad he magar shayd wo galat he.
kachi abadi se shehar ka safar krte aj usey teesra din he , raste me wo kbi kisi hotel pr ruka to kabi kisi sbzi ki dukan pr magar sb ne ye keh kr kam dene se mana kr dia k agar tmhe yahan rakh lia to hamre sarey gahak yahan ana band kr de gey , aik khokhey wale ne az-raahe karam khana to khila dia magar kam dene se maazrat kr li ,ab wo shehar k aik bazar me chal raha he magar yahan b haal kuch mukhtalif nahi ,ab wo aik darbaar k bahir khra he ,us ka zehan musalsal in swalon ka jwab mang raha he "ab usey kia karna chahye ? kia wapis kachi abadi k usi ghr me chle jana chahye ? ya phir kisi traffic signal pr khre ho kr bheek mangni chahye? ya phr kisi mzaar me beth kr muft ki rotian khani chahye? kia wo insan ka darja rakhta he ya ye darja sirf mard aur aurat k lye hi he? aur agar wo insan nahi he to usey is dunya me bheja hi q gya ?is lye taa k us k sath janwaron jesa salook kia ja sake!!" wo deewar k sath tek lgae betha he us ki nazren asman pr he jo khud hi sawal-o-jwab kr rahi hein ,us ki nazron me sawal he "me kon hun?"

stay blessed and love humanity😊💖

types of students that almost exist in every class

1.The Late Lateef

No matter how late the class is or early, this breed never comes to class on time. Coming on time is a sin for them.

2.The Day Dreamer

Facing the board, or the wall, or the floor or gazing at the teacher, whatever! They have the ability to adapt themselves in the voluble classroom and still –

3.The Excuse Monger

Indigestible and completely unreliable excuses are the qualities of this species of students. They are romance experts. Fictional yet carrying away excuses are instant, as if they just ordered it. 

4.The Fattu

The category of students who are scared and re-think a thousand times before a smallest test, a silliest debate, or even conducting the easiest experiment.

5.The All-Rounder; Failure

Yes, academically ultra weak students of this type are thriving all-rounders in every other activity. Football, basketball, dancing, playing instruments, singing, photography etc. are what they think are their oxygen and books their toxin.

6.The Artist

This genus of students can be either of anyone above but along with that they have an inbuilt quality of portraying their abstract art in ‘notebook’ rather than writing ‘notes’.

7. The sleepy ones

Classes at 9am or 3pm; these kinds of students are found with their eyes sagging or in deep sleep when the class is still on. Either they had too much beer and video games at night or they are nocturnal learners! Reasons can be plenty though. 

8. Tech Savvies  

This is the commonest specie  in today’s classroom. I would rather say if you don’t find these in the class there is a chance that you ended up in a wrong generation via time machine. You can witness secret mobile users, video takers, photo editors etc. – all are the sub-types of this species.

9.The Geek

He/she will be least bothered about any human around except the teacher. Their lives revolve, rotate, and vibrate around books and only books. They are obedient yet introvert types. They know the answers but won’t spill them out, they score well, and they are successful, but won’t party for that.

10.The Cudder

There is always one student who never has his teeth at rest. He has a gum, chocolate or bits of snacks in his pocket; to eat in the class. They are not actually caught putting anything in their mouth but still they are caught chewing. I guess they cud! LOL!

a thing to be understood by everyone.

insaniat se pyar aur insan se pyar ,dono me kuch ziada faraq to nahi siwaye is kay k insaniat wo jazba he jo aj k insano me kam hi dekhne ko milta he .waqat ka pahiya tezi se ghoom raha he aur ghari ki aik sui dusri sui se agey barhne me is qadar masroof he k insaniat kahi peeche choot gai he .
aik daur tha jb kisi ham-watan k marne pr dil khoon k ashkon rota tha magar nuclear technology k is daur me agar kisi  inteha pasandi k waqia me 200 afraad b mare jae to chand sayeton k baad hum apne zameer ko ye thapki de kr mutmayin kr lete he k chalo shukr-e-khuda k hmara ilaqa mehfooz he , har mazhab ka bunyadi maqsad insaniat se mohabbat ka daras he magar is k bawjood musalman ,hindu,aesayi ,yahoodi sb aik dusre ko insaniat ka dushman saabit krne me sakoon mehsoos krte he .
hum raah chalte bhikari ko apni lambi gaari me beth kr haqarat ki nighah se to dekh sakte he magar tofeeq k bawjood  itni koshish nahi krte k us ko kisi kasb-e-halal pr lga sake ,hum t.v k samne beth kr hakoomat ki corruption pr tajzia nigari to krte he magar aam zindagi me wohi corruption krna apna haqq samajte he. aaj k insan ko pet paal kr unhe tarah tarah k khane khilate hue to fakhar mehsus hota he aur is  sb ka bari khushdili se dost ahbab me zikar b krta he magar usey bhook se marta insan dikhai nahi deta ,koorey me se khana chun kar khate bache usey dikhai nahi dete .
kaash aj k insan ka soya hua zameer jage aur usey is bat ka ehsas ho k usey ashraf-ul-makhlooqat k roop me is dunya me q bheja gya he aur wo din kuch door nahi jb us se pucha jaye ga k us ne insaniat ka haqq kis hadd tak adda kia.

ajab wazaa he yahan  dhang hi niraley hein

bashar se pyar nhi    pet hum ne paaley hein 

kahin do waqt ki rotti b khane ko nahi milti 

kahin makhlooq-e-saani k lye satrangi khaney he

kahi masroof he daulat k qehqahon me koi 

zuban pr kahin ghum-o-fuqar k naaley hein

uth kr madad kisi ki kr nahi sakte ab hum

paon me par chukey khud-garzion k chaaley hein

koi to be-hissi ki nend se jaga de inhe  

khabar to ho inhe kis shehar-e-ghum k ye rehne wale hein

stay blessed and love humanity😊💖

short story

Bhikaran

Garmion ki aik tapti dopehr me Davis Road k bus stop pr khra aik admi hath me kale rang ka bag lye bus ka intezar kr rha he,dhoop ki hiddat k baes us k mathey pr bar bar paseene ka qatre namoodar hote he aur waqfe waqfe se uktahat k sath unhe hath me pakre romal se saaf krta he ,kbi kbhar darakhton k patey hilte he to hawa ka jhonka sakoon bakhshta he aur is k bad phr wohi garmi. mamool k bar-aks sarak pr garion ka rush na hone k brabar he,kbi kbi ikka dukka gari ya motorcycle guzarti he aur mahol k sanate ko torti he ,pedal rah-guzaron ki taadad b kuch zada nhi . Baagh-e-Jinnah k daahli darwaze k sath foot path pr aik admi shikanjabeen ka thelaa lgae khra he ,bus ka intezar krte hue 15 minute guzar chuke he ,admi ab pyas k baes thelay ka rukh krta he aur 20 rupay me hareeda aik glass pee kr wapis stop pr a khra hota he ,thande meethe pani ne garmi ki hidat ko qadre kam kr dia he aur ab uske tasuraat qadre behter he ,door se bus k horn ki awaz sunai de rhi he ,admi ab apne bag ko kandhe pr dalta he aur do qadam agey barh jata he ,bus qareeb ati dikhai de rahi he aur ab stop pr ruk chuki he ,admi agey barh kr is me sawar hota he aur bs chal parti admi aik seat pr beth chuka he aur zamana-e-qadeem ki hichkole khati hui ye bus sust rawi se agey barh rhi he . admi ki samne  wali do nashiston pr aik naqaab-posh aurat aur sath me aik 6,7saala bacha betha he bache k hath me aik nimko ka packet he jis me se wo kha b rha he aur neeche b gira rha he . chearing cross k stop pr conductor admi ko 15 rupey ki ticket bna k deta he, bus me aik kam-umer larki b sawar he jis k hath me kitabon ka dasta he ,us ka hulia bta rha he k us ka taluq kisi qareeb ghr se he ,shyd wo prhne ja rhi he ya parhane ye andaza lgana thora mushkil he . bus me aur b chand log sawar he jin me aik burha shakhs , aik admi jis ne kapron k thaan utha rkhe he aur chand larkey.bus driver break lgata he aur bs aik jhtke k sath rukti he ,Punjab University ka stop a chuka he aadmi apna bag pakrta he aur bus se utar chuka he ,bus dhool urati agey barh chuki jb k admi us dhool me akela khara he, 5 minute guzar chuke he shayd wo kisi ka intezar kr rha he  aur bar bar kalai pr bandhi garhi ko dekhta he . door se aik bhikaran a rahi he jis k hath me kashkol he jis me chand sikkey aur aik 10 ka phatta hua note he wo stop k qareeb a rahi he ,admi usey pehle b kai dafa yhan dekh chuka he is lye aik sarsari si nighah us pr dal kr wapis garhi ki taraf mutwajja he ,bhikaran ab us se chand qadmo k fasle pr khari he magar apni veran ankhon se kahi aur hi dekh rhi he , admi ne pehle kabi is bhikaran ko bheek nhi di magar aj najane q us ka hath khud-bakhud apni jaib ki taraf barhta he aur wo aik 10 rupay ka note nikal kr us k kashkol me dal deta he , bhikaran us ki taraf dekhti he aur wapis jane lgti he k admi k  in alfaaz pr us k qadam wahin ruk jate  he "in bhikarion ne mulk ka satyanas kia hua he , na jane ye ghatya log kahan se atey he " bhikaran wapis murti he ,us ki ankhon me ab aik wehshat aur dukh he ,wo admi se aik qadam k fasle pr khari apna kashkol neeche gira deti he "ye le saab tere paise,pr kadi kisi bhikari nu ghatiya na kawin" bhikaran ki ankhon me is qadar weshat he admi kuch bolna to door ki bat wahan se hil b na paya yun jese wo mannon matti taley dba dia gya ho, bhikaran door jati dikhai de rahi he , chand sikke aur do 10 k note aur aik terha hua hua kashkol admi k qadmo me prha he ,us k qadam wahin jame he jese baraf k hon aur ankhe door jati bhikaran ko dekh rahi he .

izzat-e-nafas har insan ki hoti he phr chahe wo shah ho ya gadaa.

stay blessed and respect humanity.

short story

MUQAM-O-RUTBA

izzat aur mohabbat se ya daulat-o-sarwat se

Andaroon shehar ka aik qadeem mohalla , jahan gali se gali juri he aur dil se dil ,log aik dusre k bare me ehsas rkhte he aur kisi ko koi takleeef pesh aney pr us ka sath dia jata he .

subha 10 bje ka waqt ,gali me sabzi ki awaaz aik khas sur aur tarz me saf sunai deti hui , aik udaihr umar orat sabzi le rhi he ,sabzi wala chalaki dikhate hue maap tol me kami krta he magar sath hi sath azaafi hara dhania muft me daalta he taa k orat ki nazr me acha bn ske , baji nasreen k ghr me silai seekhne wali lrkian aa rahi he ,koi larki sui me dhaaga dal rhi aur koi masheen ko kpra pher rahi he ,do aur lrkian baji se ankh bcha kr srgoshian krte hue dabbi dabbi hansi hans rhi he, mohalle k aik aur ghr me bahu shohar ko kam aur bacho ko school bejne k baad safai me masroof he jb k saas paidan pr bethi sabzi bna rhi he ,gali me waqfe waqfe se pheri walon ki awaze ati rehti he ,kbi kbi kisi motorcycle ka horn b sunai deta he .

   Isi mohalle k aik aur ghr me master abdul-karim b rehta he,mohalle me sb se buzurg aur moazaz hone k natey sb inhe master ji kehte he, master ji us waqt 9 saal k they jb hindustan taqseem hua , maan baap ki ikloti olad they isi lye unho ne baqi sb punji ko bharat me chorte hue pakistan ka rukh kia magar badqismati se jis train me safar kr rhe they us pr marhatton ne hamla kr dia, sb mare gae ,9 saal k is kam-feham ne jb khoon ki nadian dekhi to whi behosh ho kr gir gya ,goya sab lashon k sath is ko b lash smja gya aur khoon se bhari khali train to nishan-e-ibrat k tor pr pakistan bhej dia gya . pak mitti pr qadam rkh kr jb hosh aya to imdadi camp k ilawa koi jga nazar na ayi so 2 hafte whi guzar gaye , jb rabton ka silsila shru hua aur khoon ki holi khatam hui to abdul karim apne mamu mamani k sath un k ghr a gya , bhai ko khuda ne aulad ki nemat se mehroom rkha tha ,to us ne behan ki nishani ko hi lakht-e-jigar bna lia ,usey maan baap ka pyar dia aur khoob prhaya ,waqt guzarta gya aur maamu aur mamani b is jahan-e-fani se kooch kr gae aur abdul-karim k pas bch gya aik 5 marle ka makaan . abdul-karim ne aik government school me prhana shuru kr dia aur naam me master k lafaz ka izafa ho gya . master ji ne kbi shadi nahi ki aur har koi is bare me aik alehda kahani suna sakta he,koi kehta he allah wale he is lye inhe shughal-e-dunya se koi dilchaspi ni,aur koi kehta he k master ji zaroor kisi ko psand krte hon ge jis k na milne pr  inho ne ye qadam uthaya ,magar bazahir is ki koi waja nzar nahi ati, mohalle ki kuch aurton ka ye manna he k zaroor master ji ne koi bri jma punji jor rakhi he jo kisi na kisi din ko samne ae gi.

master abdul-karim ko sarkari noki se retire hue 15 saal ka arsa guzar chuka he , ab aik mazoor bacho k school me fi-sabeel-allah parhate he,hulia se aik ba-resh ,daraz qamat buzurg ,hmesha saaf aur istari shuda libas pehne hue, har maheene lambi qitar me khre ho kr 5 hazar ki pension wasool krte he jis se khud kam aur mohalle k bacho ko ziada khilate he, yehi wja he k hr hafte ki sa-pehr master ji k ghr k sehan se bacho k khelne aur hansne ki awaze sare mohalle me sunai deti he .

    zindagi ka pahya chal rha he,itwaar ki suba qareeban 10 bje ka waqt , do buzurg admi gali me bethe chaye pee rhe he aur sath me ekhbaar parh rhe he,sabzi farosh ki awaze a rhi he,kabadia apni cycle pr toota phoota saman daley gali se bahir nikalta hua,aik burhi bhikaran musalsal master ji ka darwaza khatkhtate hue Allah rasool k wastey dete hue bheek mang rhi he ,magar dawaza band he ,bhikaran mayoos ho kr gali se ja chuki he ,sb apne kamon me pehle ki tarah msroof he ,aj suba se kisi ne master ji ko ni dekha ,fajar ki namaz k lye masjid b nhi gae ,sb smaj rhe he k shayd master ji so rhe he, master ji k ghr k bahir aik purani aur tezz awaz wali motorcycle ruki he ,dudh wala dastak de raha he magar jawab nidarad,kbi b aesa nhi hua k master ji ghr pr hon aur dastak ka jwab na de yehi wja he k ab gali me mojud logo k chehre pr tashweesh dekhi ja sakti he ,master ji k ghr k bahir ab rush barh rha he aur mazeed dastak dene pr jb kuch jwab ni milta to aik jawan agey barhta he aur apne zor-e-bazu se darwaze ki chatkhani torta he ,ghr k andar bilkul sanata he ,jb k sehan k dusri janib kamre me charpai pr pre master ji abdi nend soo chuke he . 

mohalle ki bahu betian ro rhi he jb k bacho aur baron k chehron se dukh aur afsurdagi ayaan he .

master ji ki tadfeen ki ja chuki he,ghr me mojud samaan me aik kapre latkane wali almaari ,aik purani lakri ki charpai ,store me mjud paeti jis me aik gadda aik razai aur 3 chadren,pas pari aik plastic ki chappal aur aik leather k boot jo shayd arsa pehle lye gaye hon ,kitchen me aik fridge jis me khane ki chand cheze aur aik chota chulha ,aur master ji k kmre me pra aik chota sandooqcha , us sandooqche me paye jane wale kaghzon me chand taleemi sanaden ,kuch sarkari kaghaz jo ab bekaar he,chand soo rupey aur aik wasiat numa kaghaz jis pr ye saaf  daraj he k mere marne k bad is ghr ko yateem bacho k falahi idare ko de dia jaye.

   ye thi master abdul-karim ki 73 sala zindagi ki qul poonji magr wo log jo smajte they k zrur master ji ne koi khazana chupa rkha he wo log galat nhi they q k wo khazana zahiri tor pr dekha to ni ja skta mgr mehsoos kia ja sakta he ,wo tha un k dil me insaniat k lye pyar aur insano k dil me un ki izzat aur muqam. 

   stay blessed and love humanity😊💖

five reasons to smile

atleast smile once a day because smiling refreshes your body and soul

The simple act of smiling does far more than just make you look friendly - it can change your life and the lives of those around you.

there are some reasons that will surely make you smile 

1. It boosts your immune system

Smiling changes the chemistry in your body. Numerous medical studies have found smiling to lower heart rate, steady breathing and relax the body, which results in a stronger immune system.

2. you have a reason- that is life

Allah almighty created you as best of His creation and has given a chance to be thankfull to him ,so be grateful and try to smile as gleemy as you can .

3. It melts hearts

Several studies have found that a long-onset smile  is seen as more authentic and flirtatious, and is perceived as more attractive, trustworthy and less dominant.

4. live longer

keep smiling and staying happy makes you live a happy ,younger,and longer life than those who smile less ,we should follow this simple rule when its totally costless :-)

5. Its the language of love

smile is the language of love that is why  people belonging to different languages trasfers thier positivities through smile even animal understand the meaning of smile ,than why human should'nt smile .

“A smile costs nothing, but creates much. It enriches those who receive, without impoverishing those who give. It happens in a flash and the memory of it sometimes lasts forever."

stay blessed and keep smiling💖😊.

Ehsas-e-Bachpan ( short story )

zindagi aik aesa ustad he jo pehle imtehan leta he aur phr sabaq sikhata he aur imtehan se sabaq ka fasla tayy krte krte insan apni masumiat aur bachpan kahi peeche chor ata he ,aur bazahir masoom dikhne wala bacha andar hi andar apne bachpan ko kho deta he
.
government college braye khawateen se chnd qadmo k fasle pr hi waqia aik private hostel,jo shayd kbi ghr tha aur ab bs aik makan he , do kamron ka ye khandar numa makan  jis me sirf aik ghusal khana aur store numa kitchen mojood he ,jb k makeeno ki tadaad kuch ziada nhi sirf 12 he ,hostel ki khubsurti ka qissa b sunte chalye ,jis k dahli darwaze k sath hi do masnooee sheron k mujasme he jin k pheeki pari hui kali un ki azmat-e-rafta ki gawahi deti he,dahli darwaze k sath hi chand gazz ka kacha  dalan he jis me neem k boseeda darakht k sath aik lakri ki phatti wali peeng latak rhi he jo khuda jane kb dali gai thi aur ab bs kbi kbi fazlu ka dil behlati he ,aur is se agey wo wasee-o-areez hostel he jo do kamron pr mushtamil he  jis ki dewaron pr paint k utar kr girne k bayes ja-bja khubsurat naqsh-o-nigar dekhe ja sakte he, waqt k guzrne ne paint ko is khubsurti se giraya he jese kisi mahir musawir ne apni maharat ka karishma dikhaya ho ,ghusal khane ka zang alood  nal har guzrte second k sath pani ka aik qatra gira kr apne zinda hone ki nishani deta rehta he ,aur jga itni hi he k wahan khre ho kr nhaya ja sake , kitchen me lohe ka aik chulha he jis pr aik waqt me aik hi chez pakai ja skti he ,in sb asaeshon k bawajood hostel wardon itni mehrban he k chand hazar rupon se ziada kraya nahi leti aur is rehamdilli ki shukar-guzari jitni ki jae utni hi kam.
            hostel ki malik aik udhair umar khatoon he jis ko shayd shughal-e-zindagi me kuch khas dilchaspi ni isi lye sara saal isi khandar me guzar deti he ,aik hi beta tha wo b shadi k bad bivi bacho smait dubai muntaqil ho gya ,pehle pehl jld milne ata tha magr zindagi ki bheer me yun ghum hua he k ab to maheeno bad aik phone ata he jo chand hi seconds bad band ho jata he . hostel ke makeeno me 7 lrkian jo k talibat he ,aik beva jo kpron ki mill me chand hazar rupon k ewaz  nokri krti he ,2 burhi aurten jin k bache unhe yahan chor gae aur ab har maheena kharcha bhej dete he , hostel me mojud tamam lrkion k bar-akas aik jins-e-mukhalif b rehta he aur wo he 8 sala fazlu jis k maan baap aik pasmanda gaon me rehte he, jinhon ne gurbat se chutkara paane k lye fazlu ko hostel ki nokri pr lga dia he.
            yahan aney se pehle fazlu apni zindagi se khush tha, us k pas  rang rangeele khilone lene k pese to nhi they na hi wo lazeez khane khata tha magr is sb k bawjood b wo khush tha ,roz phatta hua basta school le kr chala jata aur chutti hone pr ghr jane ki bjae apne hum-umer lrkon k sath unche teeley ki traf bhag jata whan sb bche kanche aur gili-danda khelte ,jb khel khel kr pait me chuhe nachne lgte to apne mitti se atte balon aur phatta hua basta utha kr hansta hua ghr ki trf chlne lgta ,raste me chachey basheerey k baagh se aik do aam b chura leta aur aksar to pakra b jata magar chacha basheera is ki masoomana gltion ko maaf kr deta aur isey chor deta aur fazlu phir hanste hue ghr bhag jata ,ghr pohnch kr khud b aam khata aur apni choti behn ko b khilata aur sham ko jb maan choudry saab k ghr se kaam kr k wapis ati to gusse aur preshani se kehti ''wey fazlu , aey ki keeta wey,mein sara din choudrian de paandey maanjdi aan k twanu prha likha k wdda admi bnawan pr tenu koi prwa e ni ,wekh ki hal bnaya ae apna ,uth munh hath dho tey kpre badal '' aur fazlu aur uski choti behn dono maan ki baton pr qehqahe lgane lgte ,fazlu apni is hasta haali me bhi khush tha k aik din us ko school churwa kr shehr nokri k lye bijwa dia gya , fazlu ko is hostel me kam krte aik saal ho gya he ,wo yhan brtan b dhota he aur kamron ki sfai b krta he ab wo pehle ki trah shararti nhi rha q k us k sath mil kr shararte krne wale us k dost yahan mojud nhi he ,wo hr kaam waqt pr krta he aur bazar se sodey b lata he magar yhan us ki maan nhi jo usey pyar se sath lgae ,baal gnde krne pr use pr gussa kre ,frmaesh pr shakar wali choori bna k lhilae ,yhan bs aik boseeda gadda he jisey raat me wo kitchen me bicha leta he aur roz dil hi dil me ye dua krta he k kash wo jald az jald itney pese jma kr le k wapis apne gaon ja ske jhan phr se wo apne doston se khel ske,maan k hath ki roti kha ske aur apne behn k sath mil kr chaha basheere k baagh se chori kye gae aam kha sake , yehi sb sochte sochte  us ki aankh lg jati he aur  bachpan hasil krne ki ye khwahish bs ik ehsas bn kr reh jati he .